بيت جن

 

 

سانْدِه ظَهْرِك عا جِذْعِ التّاريخ

نِجْمِة عَالْجَرْمق نورْها برَقْ

بيتْ جنّْ ياللّي قلبي فيكي جَنّ

تَخْمين عِشْتْ فيكِ بْجيلْ سَبَقْ

أهلِكْ في الْجود مضْرَب لَلأمْثال

وْصيتْ شُعّارك فاحْ عِطْرُه وْعَبَق

فيكي حامْلينِ قْلام جدّ كبار

بغيرِ الحقّ مكتوبْهِن ما نطَقْ

تَحْصيلِ وْلادِك عا الدّوم مبروك

دعْوِة طالعة من خافِق صَدَقَ 

أبْطال زابودكْ فَخرْ للأجْيال

علّا صوتْهِنْ عا نفْسِ الطّبَق

مرْوي بْدَمْعِ جدودْنا هذا التّْراب

عا أرضِ الْخيطْ دمّ زاكي وْعرق

ذَرِّةِ تْراب منِّك ما بِتْهون

بْحَقّنا في الأرضْ هالْماضي نَطَقْ

مِثْلِ الزَّيْتون، منصيحْ: إلْنا جْذور

هْدِيِّة للأَجْيال، مِنْ جيل سَبَق

ضارْبِة جْذورنا في الأرض يا بيت جنّ

وْما بْيِقْلَعْنا غيرِ اللّي خَلَق

 

هيام أبو الزلف- دالية الكرمل