انا عارض صوتي للبيع

13.02.2020 מאת: مظهر خلايلة عكا
انا عارض صوتي للبيع


واالي بده يذيع يذيع
باعوا الارض وباعوا العرض
يا خوفي ضمايرنا اتضيع
انا عارض صوتي للبيع
اعلنها للناس وذيع

بعت ال فوقي واللي تحتي
حجزولي عالفرشه وتختي
لحالي ببكي على بختي
وحاسبوني على فتحة نيع
انا عارض صوتي للبيع
واللي بده يذيع يذيع

ضمايرنا صارت مبيوعه
الحريه انقلبت ممنوعه
بلدي عمتبكي موجوعه
دفنوها من دون تشييع
انا عارض صوتي للبيع
واللي بده يذيع يذيع


كله بسأل مين مسؤول
عارفين ومنخاف نقول
نايم على ايدي ومذهول
كيف ما بحكونا منطيع
انا عارض صوتي للبيع
واللي بده يذيع يذيع

واسا لما بدك صوتي
جيت موافق كل شروطي
بكرا لو عديت خطوطي 
الساني بتقطع تقطيع
انا عارض صوتي للبيع 

 

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108

 

תגובות

מומלצים