على دلعونا وعلى دلعونا

على دلعونا وعلى دلعونا
شو عملتي فينا يا هالكارونا

قاعد ع الفرشه صرلي شهريه
وما فيني جِبلِك يا إمي هدِيه
أُقعُد في بيتَك صُبح وعشيِّه
آخر  أوامر يلِّي ايجونا

شي كُلْ دقيقه بغَسِّل إيدَيّي
وبَتحمَّم والله صُرِت يَوميه
ولمعقِم صاير ينباع  بميِّه
أغلى من العسل يَلْ يقطاعونا

ِلا تطْلع برَّا بلا كمَّامه 
ومَتصافح حتى المندوب السامي
وابعِدْ لتظمن فيكِ السلامه
عن الحبايب وِليقرابونا

النومه بالمطبخ صارت مشروعه
وما عَد مالامه وصارت مرفوعه
باب الثلاجه بتبقى مشلوحه
لا ظلت بيضه ولا معكارونه !

لِموَظَّف كَيَّف والعامل صَيَّف
والڤيروس بين البَعَايِد ألَّف
الله يُجُبرو لِّي إسَّا خَلَّف
عطفالِ لْبعدون عم يرضاعونا .

ضِيقِ النفسيِّه وما في شهيِّه
 ما ظلَّتْ والله العيشه عادِيّه
والناس بتركض ع الفرماشيِّه
وما عادوا إجو الكانوا يزورونا .

يا ربي لُطفَكْ وِش صاير فينا
تقديرَك هذا أو من إيدينا
حتى في الجامع ما عَدْ صَلّينا
 وبكنيسه وخلوه ، عم يبعيدونا !!

مال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108