لمّا الشّاعر بيكتب قصيده
الشاعرة امال ابو فارس تفتتح الامسية الزجلية في عمان بدعوة من السيد انور دبور بقصيدة باللهجة المحكية ،حيث شارك شعراء من لبنان وابدع الزجالون في هذه الامسية ابداعا منقطع النظير
أعضاء فرقة جوقة العمر:
شربل كاملة
سالم غانم
عماد شعيب
وبالاشتراك مع الشاعر فيصل الصايغ
على أنغام الموسيقار أنور الأطرش
القصيدة :
لمّا الشّاعر بيكتب قصيدي
فيها وزن وبجملة مفيدي
يحطّ البصم انّه صار شاعر
وهاي شروط للشّاعر أكيدي
لكن لازم نذكّر بَعضنا
كيف الشّعر صاير في الجريدي
صف حروف ما إلها معاني
والكلمات ما هيّ عتيدي
كل من صف سطرين بفقرتو
ونشرها بفيس هالصّفحة المجيدة
شافت في الشّعر نفسو وعرّم
وعاش بزمن هارون الرّشيدِي
مثل طاووس يتنقل بمشيو
فشر من داس لجنينة السّعيدة
ولحتى نعتبر هالشّعر وافي
وزن ولحن وبكلمة سديدة
بدنا رجال تعلا فوق منبر
وقفة شاعر بقوّة حديدي
ملوك الزّجل هاللية اجتمعوا
من بلدان هالشّرق العديدي
حتّى يطربونا بالمعنى
عتابا وأوف وشروقي الفريدي
يعم الفرح والهمّات تعلا
وتلبس هالسّنة حلّة جديدي
يلا نرحّب بزقفة قوية
حماة الزّجل أرباب القصيدي
