وحياتك بكفي عاد

20.05.2020 מאת: مظهر خلايلة
وحياتك بكفي عاد

 

وحياتك بكفي عاد
عن عيني دخلك حلي
حلاكي قاعد يزداد
وقلبك فيي متسلي 

قولي لقلبك عني يروح
عبيتي لي قلبي جروح
والله بترديلي الروح
لما عيونك تضحكلي
 
كيف قلبك بقدر  ينساني 
وعيونك عمتتحداني
لما بتكوني بأحضاني 
بحسك بعدك طفله

بعيونك شايف غرام
شفافك مليانه كلام
طيفك جاني بالمنام
الله يسعد هالطله

قولي لقلبك يرتاح
قلبي معك وين ما راح
قلبي سكرته بمفتاح
وانت بقلبي محتله


 

תגובות

מומלצים