يا عيد جايي بظرف مش عادي
يا عيد جايي بظرف مش عادي
نشالله ايام الفرح منعادي
بحكم الكرورنا والبعد صفيت
بعيد ولِكُن بالقلب زوادي
يا عيد غصه بالقلب حطيت
من الوضع ياللي صار ببلادي
بشوف الدمار بشرقنا الحبيت
بتنزل دموعي ع شكل وادي
بتفرخ الغصه بشعر يا ريت
نرجع ل الله وسُنة الهادي
وصل الرحم ل اهلك نمديت
بتكسب رضا من رب لعبادي
جارك اذا في مصيبتو واسيت
بتكسب اجر والأجر مش عادي
كل ما يتيم بدربك تلاقيت
عاشكل بيو كون وزيادي
للأرملة لولا الحنان عطيت
عاشكل خيا بروح ودَّادي
لقمي بتم الجايع ان حطيت
بأسمك ملاك من السما ينادي
بمناسبة هالعيد شو حبيت
ابعث تهاني مع ورد نادي
تغمر العالم كل بيت وبيت
ترجم فكاري وسيّل مْدادي
كل عام ونتوا بخير وتمنيت
بعيد اللي الجاي تكون كل الناس
بصحه وسعادي وبالها هادي
ابو شادي عطالله معدي
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108
