بتتذكري الضيعه ومفارقنا

 حنين

 بتتذكري      الضيعه     ومفارقنا
ال كان    القمر      فيها    يرافقنا
وهاك العريشه ال مثل عش طيور
فيها    ساعات     العمر     تسرقنا
وقديش  ما  طل  الهوا    مسرور
تا يشم     لهفه   من         زنابقنا
وخمر     العتيق  بخابتو    بيفور
ونحنا    الشعر      بالحب   عتّقنا
وراعي    بمنجيرة   صباح   النور
يبعث         النغمه        تا  تفيقنا
وأمي   وأمك      يوقدوا   التنور
خبز      المحبه          تا   تذوقنا

وعالعين   كانوا   ورود    ضيعتنا
يعبّوا      الجره ال.   دوم سقيتنا
وكيف   الهوا. يعبق  نقا   ومنتور
وجيران     مثل    ورود     باقتنا
صفّيت   ع   هاك  الوقت   مقهور
وبالقلب    عم     بتزيد    حرقتنا
انشالله    عجلتك يا  زمن  بتْدور
تا  نعود   بمحبه      وهداوة  بال
نقضي    العمر  من   بعد   فرقتنا

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108