لوين بدنا نوصل لوين!

كفانا عاد وجاهه ومظاهر ، اكبر قبر بس مترين ، مش عالفقير نقول يا حرام مسكين، مجتمعنا هو المريض صار بدو إبرتين، ابره للاخلاق والوعي والدين ، وابره للعلم والثقافه واليقين.

16.04.2020 מאת: حكمت سلامه
 لوين بدنا نوصل لوين!

 

اجدادنا من الطبخه اكلوا
 مرتين


                  واليوم من كل طبخه بس لقمتين
زمان كان كل فستان لعرسين
                   

واليوم كل سهره بدها فستانين
بزمانه كان التلفزيون بكفي لعيلتين
                   

واليوم كل غرفه فيها تلفزيونين
زمان كانت السياره يسوقوهاו اثنين
                   

 اليوم كل واحدו عندو سيارتين
زمان كان البنطلون يلتبس سنتين
                 

اليوم كل ساعه منغيّر بنطلونين
زمان كانت الحاله مستوره وبدون دين
             

اليوم احلى مظهر وبالديون غرقانين
زمان كانت العزيمه نص طاوله وعليها صحنين
             

اليوم كل عزيمه بتكملش بلا طاولتين
زمان عيد الميلاد كعكه صغيره وصحن قطين
     

اليوم العيد عزايم وسهره ومصور وذبيحتين
زمان الاكله كانوا يشتغلوا ليجهزوها يومين
     

اليوم من قلة الوقت صارت جاهزه بدقيقتين
اباءنا سكنوا ببيت كله على بعضه غرفتين
     

اليوم كل ولد ساكن بدار وقاعد على دونمين
زمان الاحترام كان للمتعلم واللي بحكي لغتين
             

اليوم بزيد الاحترام للي معو مليونين

اه ! يا زمن بس قلي لوين بدنا نوصل لوين

 

كفانا عاد وجاهه ومظاهر ، اكبر قبر بس مترين ، مش عالفقير نقول يا حرام مسكين، مجتمعنا هو المريض صار بدو إبرتين، ابره للاخلاق والوعي والدين ، وابره للعلم والثقافه واليقين.


 

תגובות

1. حق לפני 2 חודשים
حق

מומלצים