إبر ودبابيس انتخابات

•    بدأت الحملة الانتخابية.. وبدأت القوائم للرئاسات والعضويات..
•    الصور معلقة على الحيطان والشوارع، في الجرايد والفيسبوكات والواتسأبات.
•    والكلام المعسول للجمهور.. تعالوا حبايبي تعوا عالصندوق، وحطوا اسمي فيه..
•    والإغراءات المذهّبة عشان ننتخب هذا المرشح مش غيره.. للرئاسة أو العضوية. 
•    وكلام التهديدات المبطن، والتحدّي مين بقدّم للبلد، ومين بخدم أكثر.. وإلا، يا ويلك.
•    وحياكة المؤامرات والدسائس.. والتلفونات والاتصالات والإقناعات.
•    وحفظناه عن غيب نزرع البحر مقاثي بطيخ وشمام، وفقوس وخيار..
•    وهل تغير أي شيء على الرؤساء والأعضاء؟ هل قدروا يعفونا من الأرنونا؟
•    أو يخففوا أسعار المياه؟ أو ينظفوا الشوارع.. أو يعملوا الهوا أقل تلوث في الجو؟
•    هل قدروا يعطوا رخص بناء للمحتاجين بسهولة؟ أو يمنعوا هدم أي بيت؟
•    لا تظنوا إني ضد الانتخابات؟ لكني ضد الكذب والعهر والنفاق.. والفساد والسرقة. 
•    ضد توسيخ البيوت والشوارع والحارات بالجريمة والعنف والمخدرات والمخالفات.
•    ضد الضحك عالشباب اللي بنتخبوا أول مرة.. وما حدا يهتم بشؤونهم.
•    وهيك تبقى الانتخابات حمائلية، فئوية، عائلية، طائفية، عنصرية، مثل ما تعوّدنا عليها.
•    وكل ما صارت الانتخابات، نفس الأعمال.. ونفس الكلمات، الشعارات، والوعودات..
•    إذن شو الجديد في هاي الانتخابات؟؟ ان شاء الله تمرق عا خير..

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108