إبر ودبابيس من المزبلة إلى القرف
من الأدب الساخر
* فرحنا لمّا قضت سوريا وحلفاؤها على داعش وأخواتها ورمتهم في مزبلة التاريخ..
• لكن لاحظنا الأميركان بحضّروا حالهم حتى يبعثوا قوات أمريكية ترامبية إلى شمال سوريا..
• يعني هاي القوات بدها تكون بين سوريا وتركيا.. وهون أعلنت تركيا أنه هاي القوات غير مرغوب فيها..
• وهاي القوات أجنبية وغريبة عن المنطقة بدها تعمل على حماية العصابات والتنظيمات اللي انكسرت وانهزمت من سوريا والعراق..
• والعراق أعلن معارضته لهاي القوات، وطلب بحدود مفتوحة بين البلدين..
• وسوريا أعلنت معارضتها لوجود القوات الترامبية على أراضيها، وحتى المعارضة كما أعلنت عن عدم موافقتها على وجود القوات الترامبية..
• والمبيّن أنه أمريكا.. ترامب.. شافت شو عملت روسيا في سوريا، وكيف ثبّتت النظام وأنقذت سوريا من احتلالات وفوضى في الحكم..
• صار ترامب يغلي حسد وحقد، كيف روسيا نجحت في سوريا وهو ما نجح في إسرائيل وفلسطين..
• عشان هيك قررت الإدارة الأمريكية الترامبية تقوم بعملية مقرفة وتحشر أنفها في سوريا..
• والأنكى من هيك شافت إيران ملتزمة بالاتفاق النووي، صارت تنبش كيف بدها تخلّي إيران تخالف الاتفاق..
• وصارت الإدارة الترامبية تلعب لعبة مقرفة أكثر.. وطلعت ريحتها المعفنة في المنطقة وفي العالم كله..
• ليه الإدارة الترمبية ما بتشوف احتياجات المنطقة للهدوء والاستقرار والسلام؟؟
• ليه لازم الإدارة الترمبية ما تهتم بتثبيت الاستقرار، وتدعم أعمال السلام، وترضي الشعوب المحتلة والفقيرة..
• ليه لازم الإدارة الترمبية تفتش عن المقرف وتتعامل فيه؟؟
• ليه لازم تنبش بالمزابل وتطلع ريحتها من جديد؟؟
• ليه ما تترك الشعوب تعيش بحريّتها، ومثل ما بدها؟؟
• كل حركة ترمبية صارت مكشوفة، وكل خطوة وكل تصرف صار مكروه؟؟
• باختصار.. كل دولة أو بلد ما بتلبّي مطالب إسرائيل بتكون معادية لترامب..
• وكل دولة ما بتأيّد الاحتلال وتمدح احتلال القدس، وضرب الفلسطينيين، بتصير معادية لنتنياهو وترامب..
• صار ترامب ونتنياهو اثنين أو ثنتين في لباس واحد..
أبو إلياس
