​​​​​​​قلبي اتقطع يا بيروت

قلبي اتقطع يا بيروت 
ما منعرف فيكي شو صار 
شوفنا شعبك عمبموت 
وسماكي بتشعلها النار 

يا ويلي شو صاير فيكي 
بواسي نفسي وبواسيكي
صرتي دمعه عمنبكيكي 
بعيون الناس بتنهار

بلحظه كل شي فيكي اتغير 
بنيتي حلمك واتدمر 
ع الظالم الله أكبر
الله ما في عنده حجار 

رح يمهل لكن ما بهمل 
عارف شعبك شو متحمل 
حتى ان صار الجرح معمل 
بعد.الليل يفج نهار 

بكرا بترجع شمسك تسطع
والارزي رح ترجع تطلع
ع غصونها حبقات ونعنع
واغاني حب وأشعار 

بكرا رح يرجع لبنان
ويرجع كل شي فيها كان 
لكن شو صعب النسيان 
مهما لف الزمن ودار

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108