أم خليل وقانون يهودية الدولة
جلست ام خليل تنتظر الجارات ، امامها غلاية القهوة والفناجين وقنينةالماء المثلجة.
اضافت بعض الحب لعصافير حفيدها الذي تركهم وديعة عندها ريثما يعود مع والديه من شرم الشيخ .
توافدت الجارات يحملن بعض ثمار خير السنة .
: أكيد بعدك ما ذقت الصبر ..
إلنا نصيب نعيش لنذوق خير السنة الله يطعمك خيتا ...
ضحكن وكان أطيب الأطباق مهلبية رُب الخروب التي أحضرتها أم عبد الله ..
: خفيفة، افضل من سحلب الحليب .
أصلا الحليب مش مليح كتير لمن هم في اعمارنا،صرنا بنص عمرنا ..
: شو صبايا قعدة عربية غير شكل اليوم هيطلية خروب ،صبر ، وين الكعك الأصفر مع قزحة ؟
: لسة في العلبة ما فتحناها ..قالت أم خليل وهي تناوله واحدة .
وقهوة عربية ، إطمئنوا يا اولاد العم ،إذاقانون برلمانكم أقٌَر قانون يهودية الدولة، فإنٌَ الحجر والصبر والخروب والتين وقعدات الصببايا هون بس عربية ..
وزٌَعت أم خليل القهوة رشفت من فنجانها رشفة طويلة وقد بدأ يبرد :
يعني أي هو حامل فلقة صابونة زيت بيفكر حالو ؟
شو قصدك
: يعني يغسل ويينشر وتزول آثارنا بدعكِه المستمر ؟
والله انهن مجانين ..
وعنصريتهم عمت قلوبهن ، ليل نهار تفكيرهم شغال كيف يمسحوا آثار العرب .
هذا بعيد على شواربهم ...
اللغة هي لغة أمنا اللي هللت ، وجدتنا اللي غنت في زفة العريس ، وحماتنا التي لاعبت مواليدنا اثناء استحمامهمبالطست ، وغناء بناتنا وعرايسنا "لأبو العين المكحولة" والزين اللي زفٌوه على ساحة البلد ، حتى الزلمة اللي زعل من مراتو غنى لها "لأجعل طلاقك حبة زيتونا "
يا ناس هون في تاريخ وسهرات ع سطوح البيوت وحداء وحسرات ع اللي رحٌلوهن وقصص وحكايا بكايا شرحها يطول عن اول تجربة تهجير، كيف يعني ممكن نتفرنج مثلا ؟ .
: يا ام خليل إحنا كلنا بنشبه هاي شجرة الزيتون والله لنعيش هون كمان ألف سنة ...
آل يهودية الدولة آل ...ثم ختمت حديثها:
إذا شولا اللي ساكنة بالمستوطنة بتعرفش توكل غير طبيخ أم عزيز
وتضاحكن : شولا راحت فيها يا جماعة ستموت جوعا اذا تهوٌَد مطبخنا. : لا مطبخنا ولا ملابسنا ولا لغتنا ستتهود .
: الغبي بس اللي ما بعرف ان التنوع هو تبادل ثقافات ومعرفة .. الله لا يوفق كل عنصري مجنون .
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108
