المونديال على الأبواب
من الأدب الساخر إبر ودبابيس بلا مباراة
• المونديال على الأبواب، والمباريات التحضيرية جارية في العالم كله..
• وفي إسرائيل استعدوا للمباراة المحسومة مع الأرجنتين. عارفين حالهم خسرانين.
• كانت المباراة مقررة في ملعب سامي بحيفا، وسرقها نتنياهو لملعب تيدي..
• ياهف أخذ على خاطروا شوي.. كان بدو هو يضرب الطابة بالأول.
• لكن الوزيرة سرقت فرحته.. وقررت هي تضرب الطابة بالأول، غنّت ورقصت وزغردت.
• طبعا بنيامين ما عادت الأرض توسعه لأنه جاب ميسي للقدس..
• وهجمت الناس تشتري 30 ألف تذكرة، اللي انباعت كلها بخمس دقائق..
• كلهم بدهم يشوفو ميسي، ودفعوا 3 – 4 آلاف شيكل للتذكرة وصارت تجارة سودا..
• وفي ليلة ما فيها ضو قمر، قرر ميسي وفريق الأرجنتين إلغاء المباراة في القدس.
• مش مهم السبب، لكن ميسي فجّر المباراة قبل ما تصير، وهزّ الدولة هزّ..
• انصرعت الوزيرة وقالت: أنا صاحبة فكرة المباراة في القدس.. أنا الوزيرة اللي ما بنهزم..
• تدخّل العالم كله، وحسبها ميسي غير شكل، منشان مظاهرة في برشلونة عن غزة.
• أنا ما كنت أهبل وما اشتريت تذكرة بهذا المبلغ الخيالي..
• غيري دفع واشترى وصار يدور عا بياع التذاكر..
• راحت عاللي دفع.. وبقي ماسك التذكرة مثل الماسك الهواء بإيده..
• لكن اللي باع التذاكر وينو!!؟؟
أبو إلياس
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108