حاسس بكرا رح تنعاد

30.03.2021 מאת: مظهر خلايلة
حاسس بكرا رح تنعاد

 

حاسس بكرا رح تنعاد 
دبرلك اعضاء جداد 
وشو عنا من بضاعه بيع 
نزل بكرا عالمزاد 

نازل طالع ع الصندوق
ع الفاضي دمي محروق
وكل امرك للي فوق
ورح نكسب ان الله راد 

هادا خسر وهادا فاز 
شو نايبنا يا استاذ
خلونا صوره ببرواز 
عمبحكي وصوتي شو فاد 

قضينا هالعيشه ركاض
م المفتاح  عند الحداد
والحداد بده بيضه 
والبيضه جاجتها بعاد 

احنا اللي عملنا النظام
وخلينا المجرم حكام
وقلبت هالعيشه اجرام
والحاكم  نفسه الجلاد 

ورضينا بهاي الصوره 
رغم الدمعه المحصوره 
خلو الطاقه مستوره
ونازل تشرح ع الامجاد

شو ياخي شعبك اعطيت 
اغتصبوا الارض وهدموا البيت 
وجاييني بوقت التصويت 
تتبكبكلي و همك زاد

ونازل فينا عمبتلوم
وانا قلبي مليان هموم
وعايش بالبدن المسموم
م اتعودنا وك المعتاد 

صار بدنا حزب التغيير 
ونشوف وجوه جديده
اتحملنا من المر كتير 
خلص عصرك يا سيدي
اعطونا هالمره ندير 
بلكي رجعنا البلاد 

 

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108

 

תגובות

מומלצים