خمر الشوق

عتّقت خمر الشوق ونطرتك
تا ندق كاس  الحب بالسهره
ومنشان امحي ليل محبرتك
شديت    نور الفجر  بالغمره
وتا نقطع  الخيطان  بِ  دينا
مشوارنا      حلّو    بقى يبدا
تايرش  الله    رحمتو   علينا
والشوق  جوّا    قلوبنا  يهدا
وكلما  بمرايا  البال     بتطلي
بحس الشعر     شلال  موالو
فوتي  معو  جوّا القلب صلّي 
تايذوب حالي   يوم عا حالو
يا قمر شو   مشفوح تا شمّك
ومثل العطر تغفا  على كمامي 
فاتح  زنود  الروح  تا  ضمّك 
بلكي بتطفي  جمر    احلامي
ويغفوا  شفاف الورد عالثمين
ينقط  ندي  مني   انا  ومنّك

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108