على مآذن ثلاثية القاهرة
(ولاد حارتنا) نقد عامى بقلمى
حصان بسرج عمل جسر وعبر
والقلم فى القِدم فصل
فى القول فى القووول بالحبر وختم
القَدم فى الغرز مش بالسن
مهمن الحصان كبر وعبر
لكين سدناالنجيب للسرج مسك وخط
رمح بالخيال على الفرس
والجمال بان وسرح بالفكر
ع الشط
راح اللجام وفضل القلم
يروى فى مقام بياتى للصبح
وصل للعجم
اكتب ياقلم وقووول بالحق
قول ومتخفش الخلق
مش هما اللى قالوا فى المثل
الأدب فضلوه عن العلم
طب إسأل أى آدمى من كل
لون طين إتخلق
العلم أول لأبوك آدم علم
ولاحين ماخر وسجد
الغلط خلاه ينطق ويتكلم
قول يا قلم قووول بألم
وانقض بسنك الغزل
وحاسب إنك من أول وتانى
وتالت ورابع تغلط
و تغرز كفايه آدم آبوك
بغلطة نزل الأرض
نجيب منين ناس بقى تقولك
ربنا عرفوه بالعقل
قلم بالحبر ضرب الرصاص
فى ولاد حارتنا
مع إن السن فى الأصل رصاص
والرجولة أصلها إخلاص
مش حبر وخلاص
والجد آدم آبونا ياسدن
والإيمان بالغيب مش عيب
واسال من عبر
قبلك بإيه الملكوت بنقاس
كتب الزمن قبل القلم بزمان
وفسر اللى آت
وأصل القلم محفوظ من أزل
يا اسيادنا فى السموات
نجيب للقلم سن تانى ونغزل
فى ولاد حارتنا ونبريهم حقهم
تلت. تلتات
أنا قلت ياسيدى النبى عربى
عرفنى أول مين عرفه
ومين عرفات
أو قوووولى أول مين اللى رفع
السموات
وعلم أبوك الشهر واليوم والسنة
والنجم والهدى والعلامات
ومين اللى أخرج الضلع
ولا للضلع
اللى أخرج آبونا أول
من الجنات
سرحت فى سما سيدى
أدور وألف ع الامارت
يمكن اعتر بفكرى على حجه
لقيتنى فى حلقه مسلسل
بايته
أولها زى آخرها عُمر اللى فات
مامات
حلمت مره فى يوم ٱنى على
والدى بتماكر
صحيت من نومى وجريت
على بلاد بره
ورجعت لقانى حيران
ابتسملى بحنان وقالى إوعاك
يا ولدى تكون لساك من إمبارح
فاكر
ياولدى ناكر الجميل مايتساوى
فى ميزان يوم مع الذاكر
وإسأل
شنطة علامك اللى فى إيدك
رايح وجاى بيها عالعباد
سارح
تلقاها شاهد على عقد بيع
كوم حته من أرضى لعلامك
فخلى بالك من يوم
بيك الأرض تتساوى
ما ينفع فيه غير إيمانك
وعلمك الوحيد فى يوم حره
شديد بيك ناجى
خد كلامى على محمل الجد
قبل الارض ما تدهسك فى يوم
الحصيروبيها تتساوى
انقال مثل فى الأدب
أنه على العلم إتفضل واتزن
أنا قولت وزن الأدب فعل
لو ماقلة أدب
ووزن آداب بالنحوى أفعال
لو مااتقلت الأداب
ولا قيمتها إتقلت
قلم محفوظ للقرايه والكتابة
واللى باريه إله واحد
ولونجيب كل يوم لألف مخطوطة
تنقره
تلقاها هيا هياها الحكاية
بدأت بابوك أدم
اتعلم ازاى يتعبد ويوحد الواحد
وانتهت بالنبى الخاتم
اللى عمره مامسك بإيده الشريفه
قلم وخط مرسوم واحد
مع إنه بحر العلوم وربك حكيم واهب
خيبوبا عليا ياسدنا النجيب
لوفهمى على قدى
ياسدنا النجيب ياتبرى القلم
على قد سنى
ياتبريه ياعمنا كدا بعيدا عنى
طب بلاش دى وقولى
دار أبوك ادم اللى هوا
أبوك وأبويا ومنه كان اخوك
وأخويا
داره الل كت فوق فى العلالى
إتبنت بالطوب ولا باللولى
طب لو هيا دار حق
مش يبقى الإيمان والعمل
ليها شيئ ضرورى
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108
