عيد الأم يما عيدك

عيد الأم يما عيدك
رح اهديكي قلبي بايدك
كيف أهديكي يما قلبي
وانت قلبي وروحي بايدك
عيد الام يما عيدك
  
نفسي اهديكي قصيده
حروفها من دمي ووريدي
يما لو بطلع بايدي
باخد من عمري وبزيدك
عيد الام يما عيدك

سنين ويما . تعبتي فيي
كبرنا يوم . كبرتي ميه
واخترتي تكوني الضحيه
بلشنا نفهم معنى شيبك

امي تتصل . امي تسأل
ابني غاب . ابني طٌول
كنا اصغار بوقتا نزعل
وما منعرف قلبك دليلك

كنت تنمقتي عشاني
من الخوف بكل المعاني
شاب وطايش بين اغاني
عمتحكيني ومش فاضيلك

ولما كبرنا واتجوزنا
والله من النعمه اطعمنا
بلشنا نحس بوقتها فهمنا
انا اسف يما دخيلك

يما طالب ترضي عني
اسف يما غصبا عني
صارت تحكي وتتطمني
فتره بتمرق عاللي بجيلك

يما انت اكبر نعمه
همك احنا وابني همي
يا ربي دخيلك تحمي
ليل نهار وعمبدعيلك
انا اسف . يما دخيلك 

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108