عيد الام
عيد الام
امي-قصيدة زجلية باللغة الدارجة
امي الحنوني بكل عيد وعيد
امي كلام الحب مع احلا نشيد
وبقربها حبيت اعيش العمر
واعطيها من روحي ومن دم الوريد
*****
حضنتني وحملتني ب لكفوف الناعمي
وسهرت عليي ب لعيون الحالمي
سهرت ليالي كثير ل حتى انام
بصحه وسعادي تظل النا سالمي
*****
شو ما اعملت الها م بكفيها اجر
سهرت عليي كثير لطلوع الفجر
تعبت وسهرت ب الليالي كثير
وحفظتني من ظلم الليلي والغدر
*****
من لحمها ومن دمها اتكونت
وياما على الصدر الحنون توسدت
وتظل تحكيلي اهازيج الحمام
احلا كلام الحب منها تعلمت
*****
ربتني بعنايه سني من بعد سني
وسهرت عليي وانا بعمر الولدني
حتى الشقاوي ولهموم تحملت
لولاها ما اجيت ع وجه الدني
*****
عيدك يا امي بشاره مع احلا خبر
ربي بدعاكي حمى والخطر جبر
شو م اعملت ما تسد اجر الوالدي
الا تتحملها بسنين الكبر
*****
كنت الي اكبر نصير وعون
وتلبسيني اجمل ثياب ولون
عشنا العمر من خير افضالك
بعدك يا امي انت نص الكون
*****
مني الف قبلي والف وردي معطره
بحكيها جهرا وبصراحه اشكره
بتمنى الك صحه وسعادي دايمي
وتظلي انت احلا صوره مصوره
رحمك الله رحمة واسعة ومثاوك الجنة
لك قبلاتي
بقلم: ابنك ابراهيم عكري
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108