قصائد بمناسبة عيد الام
أمّي يا حبّاً أهواه يا قلباً أعشق دنياه يا شمساً تشرق في أفقي يا ورداً في العمر شذاه يا كلّ الدّنيا يا أملي أنت الإخلاص ومعناه فلأنت عطاء من ربّي فبماذا أحيا لولاه ماذا أهديك من الدّنيا قلبي أم عيني أمّاه روحي أنفاسي أم عمري والكلّ قليل أوّاه ماذا أتذكّر يا أمّي لا يوجد شيء أنساه فالماضي يحمل أزهاراً والحاضر تبسّم شفتاه ما زال حنانك في خلدي يعطيه سروراً يرعاه كم ليلٍ سهرتِ في مرضي تبكي وتنادي ربّاه طفلي وحبيبي يا ربّي املأ بالصحّة دنياه الأمّ تذوب لكي نحيا ونذوق من العمر هناه الأمّ بحار من خير والبحر تدوم عطاياه
زيدة عطشة
ألإم
لأم بتوهب روحها كرامه للضنا
وبتعيش ما عندها مساحة للأنا
وشو ضحت تا تحمينا من العنا
وبعيونها تحامي علينا من القنا
وشو تمرمرت تتوفر عيشة الهنا
مهما ألقدر لظهرها بقسوه حنى
لكن إذا إيد القدر بتعاندها
رغم العناد بتسرق ورود المنى
عادل كيوان
يا امي الغالي
يا اغلى الغوالي
من غيرك بحس حالي لحالي
يا قطعة مني يا كل امالي
ياللي كنت مخففي همومي
ياللي كنت حامله احمالي
ياما صححتي اخطائي
ياما صوبتي اعمالي
يا امي الغالي يا اغلى الغوالي
من غيرك بحس حالي لحالي.
بعدتي عني ليش تركتيني
من غيرك يما بيكثر انيني
كل يوم يا امي يشعلل حنيني
الك الروح والقلب والك نور عيني
يا امي الغالي يا اغلى الغوالي
من غيرك بحس حالي لحالي
يا قطعة مني يا كل امالي.
نهاي داموني
الله يخليلي امي
بالحب تجود
من الشوك ان مسكت ضمه
بتصير ورود
امي الله يخليها ويقويها
حملتني عايديها بليلات السود
حملتني شهور التسعه
وظلت تسعى
وكانت تعطيني الرضعه
بوقت المحدود
كنت زغيره وربتني
وشو حبتني
كل شي عندا وهبتني
وبعدا بتجود
مهما كبرنا وطيرنا
ما غيرنا
ان قلقنا وتحيرنا
حضنا موجود
انيسة هزيمة
ما الحب قل لي ما الجمال الأروع
إن لم يكن أما بعمرك تسطع
لولا الأمومة عانقت أشواقنا
ما كان نبض القلب فينا يُسمع
ما أورقت في الروح أفراح المنى
ما أشرقت بالحب هذي الأضلع
كميل عرايدي
بكرا عيدك يا إمّي
والكورونا أكبر همّي
عنّك إنتِ أبعدَتْني
بُعد القُبْلي أعطتني
لا في عبطَة ولا لمسي
وحرارِة جسمِك تُنقُصْني
بهديكي عنّك بُعدي
من خوفي عليكِ يا إمّي
بكرا عيد الأم عيد ست الكل وقديش منحب هاليوم ومنعمله قيمه كبيرة ومنزور امياتنا وستاتنا ومنهديهن أجمل الهدايا، بس هالسنة غير، الظروف تغيّرت واللّي بحب إمه وابوه وسيده وسته ما يقرّب عليهن وحتى ما يزورهن وهديّتكوا السنة الهن الابتعاد عنهن ففي ابتعادكوا اعطتوهن حياة وهي أحسن هديّة.
نهية سرحان
قامت من الفجر محتاره،شو بدها تعمل قبل ما ييجو اولادها،بلشت تنظف البيت،تظبخ وتعمل كعك،وحضرت طاوله،حطت انواع المكسرات والفواكه،وما نسيت تطلع عالجنينه تقطع ورد عشان تحطه في المزهريه،اليوم عيد الام،اولادها بدهن ييجو يعايدوها،وكل واحد جايب معه هديه،مرت الساعات،وهي تستنا،طلعت وقعدت باب البيت،ما اجا حدا ،جارها اللي كان ينظف جنينة بيته شافها،قال بينه وبين حاله:"يا حرام جارتنا،كل سنه هيك بتتخيل انه عندها اولاد،الله حرمها الخلفه مسكينه"، قص من ورداته كم طبوق،حملهن وراح عند جارته،باس راسها،وقالها:"كل عام وانت بخير يا امي"
كل عام وجميع الامهات بخير
هاشم دغش
مختيره ..
وصرلي عمر ...
والقلب ما ختير...
من سنين فارقني الحلا ..
وتشقلب المظهر...
بس الحلا...
ال جوات قلبي ما طفا...
نوّار عودو ..
طار تا ضوا القمر...
ختيرتي يا امي...
بس الحلا ختيار...
مثل اللحن لو فارق الزمّار...
بيبقى اللحن تيعانق الوردات...
ويزرع عخد العمر ....
احلى زرار.....
كميل عرايدي
بعيد الأم
بهدي الورد زهْري
ويَزاد الهم
حتى انكسر ظهري
ويا ريت الأم
تبقى طول دهري
ويبقولي القرايب ولحباب
كمال شيني
ما عاد عندي لليأس مطرح
تغني عبس غنيلها نشرح
تغني على نغمة قلب محزون
بغنيلها لك يا قلب افرح
بتقول يا استاذ هيدا جنون
بقول هيدا من عقل انصح
بتقول واللي بالظلم مسجون
بقول فكرو حر وبيسرح
بتقول واللي معثر ومديون
بكرا بجيه الحظ وبيربح
بتقول واللي بدمعتو محزون
بكرا الأمل دمع الحزن بمسح
تقول واللي بالمرض مسكون
يدعي ل الله والمرض بكسح
قالت شو يعني كيف بدك كون
قلتها يالله معي نمرح
نملي الدني من حبنا المكنون
خيالاتنا خد القمر تلفح
نزرع الغيمي حبنا الميمون
تا تصير روح من العشق ترشح
تشتي تفجر للربيع عيون
تنزل سواقي تستسق عْلى سهول
كرمال زر الورد يتفتّح
عطاللة معدي
أَخْبِروا أُمّي
أَنَّ بِئْرَنا قَدْ جَفَّتْ وَفُشِيَتْ أَسْرارُها
وَغَطّى العُشْبُ بابَها
أَخْبِروها أَنَّ جُرْنَ الْكُبَّةِ
وَحيدٌ في الرُّكْنِ
يبكي بِلَهْفَةِ الْمُشْتاقِ
يَشْتَهي طِلاءَ شِفاهِهِ بالحِنّاء
بعدَ أن خَطَّ الْمَشيبُ حواشيه
المهترئة
والجاروشةُ
لا تجِدُ مَنْ يَمْسَحُ دَمْعَةَ الْغِيابِ عَنْ عَيْنَيْهِا
أَخْبِروها
أَنَّهُ لَمْ يَبْقَ مِن نِساءِ حارَتِنا
سِوى الْإطاراتِ الْخَشَبِيَّةِ
في حائِطِ الزَّمَنِ
تَحْمِلُ وُجوهَهُنَّ مُعَلَّقَةً بَيْنَ كَفَّيْها
أَخْبِروها
أَنَّ الرُّمّانَةَ وَالتّينَةَ وَاللَّيْمونَةَ
قَدْ ثَكِلَتْ رَحْمَها
وَالشَّوْكَ تَطاوَلَ في فَضولٍ
لِيَصِلَ غُصونَ تشرين الحَزينَة
أَخْبِروها
أَنَّ حِكاياتِها ما زالَتْ تُرَدِّدُها الجُدْرانُ
وَثيابَها
في انتظارِ عرْضٍ بَيْنَ الْحِكاياتِ الْقَديمَةِ
أَخْبِروها
أَنَّ اُخْتِيَ قَدْ غادَرَتْ
وَانْضَمَّ إِلَيْها أَخي
في مَواسِمِ الْغِيابِ رَحَلوا جميعًا
مُسْرِعينَ...
وَتَرَكوا أَشْباحًا منَ الْوَجَعِ
تَتَوَسَّدُ أَحْلامَ اللَّيْلِ
بِصَمْتٍ وَذُهولٍ:
كَيْفَ لِلّذي كانَ أَلّا يَكونُ؟
كَيْفَ لِلنَّفْسِ أَنْ تَحْمِلَ هذا الاغْتِرابَ
والاستِلابَ...
وَالشَّجَنَ؟!
أَخْبِروها
أَنَّهُ لَمْ يَتَبَقَّ مِنْ مَنْزِلِنا سِوى الْجُدْرانِ
وَثِيابِ أَبي خَلْفَ الْبابِ
يائِسَةً
تنتحبُ
وتُطْلِقُ زفراتٍ
لا يُرَدِّدُها الصّدى!
امال ابو فارس
الى جميع امهات العالم. كل عام وانتن بالف خير. ينعاد عزيكن بالصحه والعافيه وهداة البال.
الام رمز التضحيه في ذاتها
الاجيال عمّا بتقتدي بكلماتها
الام نص الكون بتقرر مصير
نور الهدايي والوفا بنظراتها
هيّ الطهاره الصادقه وعطر الاثير
نبع المحبه والهنا بسماتها
شو ما قلت عن عطفها منو كثير
ما في حدا بيقدر على مكافاتها
في بيتها بتقوم في الدور الكبير
بتحمل مواجع هالدني وبلواتها
والليل بتقضّي جنب طفلا الزغير
ت تغنجو وتحكي إلو حكاياتها
الام مثل الزنبقه بتعطي عبير
بتترك ع غبرات الدني بصماتها
بتدعي لالله يكف عن بيتا البلا
والليل بيودي صدى دعواتها
سرور حلبي
