كمال يا لحن الخلود بيِعزفه
كمال يا لحن الخلود بيِعزفه
جيش الغرب والشرق عزمك خوّفه
اسمك عرسمك كان آية في الكمال
وجه الحضارة بحق اسمك شرّفه
يا فيلسوف العصر يا رمز النضال
اهل العلم وصلوا لحدك, وقّفوا
يا معجزة عصرك يا لغز ويا سؤال
يا معلم اللي عجزوا عُلومه يْفلسفوا
يا جنبلاطي حرّ يا بدر وهلال
بيّك قبل منك مْبيّن موقفه
استشهد بموقف عز في ساحة نضال
اللي ارّخوا التاريخ عنّه الّفوا
وأم المعلم خاضت بْذات المجال
عفة ونباهة والحكم منها اصطفوا
وانت يا نسر الشوف يا معلم كمال
نِعْم الاهل يللي مْثالك خلّفوا
لما خلِقِت خلْق الادب خلق الجمال
صرنا التسامح والتواضع نعرفه
ومن طيب نفسك والخلق وِطيوا الجبال
عرفوا الشموخ حدّو تلاشوا وِخْتَفوا
ناداك شعبك يا معلمنا تعال
مين اللي هم الشعب بدّو يخففه
من بعد ما إيد الغدر طالت كمال
واخذت بطل كانوا عْلامه يرفرفوا
اخذت معلم صال بعلومه وَجال
خلّى الغرب عتراب ارضه يزحفوا
هجمت جيوش الغدر عجنود النضال
مع كل حاقد جربوا يتحالفوا
بيفكروا غيابك فتح الهن مجال
ما بعرفوا بس العُيون اللي غفوا
ما بيعرفوا فكرك وروحك يا كمال
اعمى قلوب الغدر وعيونه انطفوا
صار الفكر والروح تغذيِة الرجال
رْجال الدني والدين هالدرب اقتفوا
وطل الوليد البيك ابنك يا كمال
حمل الرسالة وقال, اهلي اسلفوا
بَعرف انا بيي بحالة انتقال
موت الجسد مش موت انتوا بتعرفوا
روحه الشريفه حايمة بأعلى مجال
بأحلى فكر للكون بدها تزخرفه
مني عهد الكوا الى يوم الزوال
وعد اللي وعدته يا ملك ما بِخلفه
في ذكرى المعلم الكبير كمال جنبلاط
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108
