كنتِ فاكرْ يا حبيبي

18.01.2021 מאת: د. أسامه مصاروه
كنتِ فاكرْ يا حبيبي

 

قصيدتان كنت فاكر وملناش نصيب من ديوان مشاعر الجزء الأول من ثمانية دواوين في مواضخ محتلفة
كنتِ فاكرْ يا حبيبي
بعدِ ما طوّلْ بِعادكْ
راح حنينْ قلبي وْلهيبي
من زمانْ ونسيتْ وِدادكْ
إنمّا بالحقِّ لسّه
نارْ هواكْ قايدهْ وْغرامكْ
وانْ نِسيتْ مشْ مُمْكِنْ انسى
حتى كلمهْ من كلامَكْ
ده انتَ سيرْتكْ على بالي
يا حبيبي فْ كلِّ ثانيهْ
وانتَ صورْتكْ في خيالي
ليلْ نَهارْ وفْ كلِّ ناحيهْ
كنتِ فاكرْ شوقْ عُيوني
راحْ وِعدّى منْ وجودي
كنتِ فاكرْ راحْ جُنوني
بعدِ أعوامْ من صُمودي
إنمّا بالحقِّ لسّه
نارْ هواكْ قايدهْ وْغرامكْ
وانْ نِسيتْ مشْ مُمْكِنْ انسى
حتى كلمهْ من كلامَكْ
ده انتَ سيرْتكْ على بالي
يا حبيبي فْ كلِّ ثانيهْ
وانتَ صورْتكْ في خيالي
ليلْ نَهارْ وفْ كلِّ ناحيهْ
كنتِ فاكرْ صبرِ قلبي
راحْ يِقَصّرْ ليلْ سُهادي
كنتِ فاكرْ هنسى غُلْبي
بعدِ مدَّهْ من بِعادي
إنمّا بالحقِّ لسّه
نارْ هواكْ قايدهْ وْغرامكْ
وانْ نِسيتْ مشْ مُمْكِنْ انسى
حتى كلمهْ من كلامَكْ
ده انتَ سيرْتكْ على بالي
يا حبيبي فْ كلِّ ثانيهْ
وانتَ صورْتكْ في خيالي
ليلْ نَهارْ وفْ كلِّ ناحيهْ
كنتِ فاكرْ بُكرهْ عيني
مشْ هتدْمَعْ يومْ عشانكْ
واللي كانْ بينك وِبيني
راحْ وِعدّى معْ زمانكْ
إنمّا بالحقِّ لسّه
نارْ هواكْ قايدهْ وْغرامكْ
وانْ نِسيتْ مشْ مُمْكِنْ انسى
حتى كلمهْ من كلامَكْ
ده انتَ سيرْتكْ على بالي
يا حبيبي فْ كلِّ ثانيهْ
وانتَ صورْتكْ في خيالي
ليلْ نَهارْ وفْ كلِّ ناحيهْ
د. أسامه مصاروه

ملناش نصيب
ملناش نصيب في الحب يا ناس
ملناش نصيب
بعد الحنين والشوق سنين
باعني الحبيب
خلاص بقى ملناش أمل
في الحب يا ناس
بعد الشقا مكان وصار
هوّ الأساس
يا دنيا إيه صار للبشر
حتى القلوب
معادش تعرف بعضها
غير بالحروب
هوّ الغرام يا ناس حرام
ولاّ الفلوس
هيّه اللي صارت تشتري
حتى النفوس
يا دنيا فين عهد الهوى
والحبّ راح
ليه الوفا أصبح جفا
والشوق جراح
معقول مزايا الحبّ راحت
واختفت
والناس خلاص بس بالمصالح
اكتفت
إن كان كده خلاص بقى
أفضل نتوب
بلاش نضيع ونتوه كمان
بلاش ندوب
يعني الغرام لو كان عذاب
هيفيد بإيه
ولاّ الحبيب لو عاش غريب
هيجيلنا ليه

 

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108

תגובות

מומלצים