لا تحاكيني عالسياسه

هيك شغله بتوجع راسي
نازل اسا تطبخ فينا 
وبكره بتنسى احنا الطاسه
لا تحاكيني عالسياسه

بدك اسمع منك . احكي
يلا اشرح يمكن . بلكي
متأكد عالفاضي بتحكي
لكن بسمع من فلاسي
لا تحاكيني عالسياسه

رجع حقي ياللي ضاع
شبع شعبي ياللي جاع
صوتي مش ممكن ينباع
يكفي بيعتوني الباسي
لا تحاكيني عالسياسه

صار بدك صوتي المخنوق
وتشرحلي شو الي حقوق
بكره رح نقعد عخزوق
وانت تجعص عالكراسي
لا تحاكيني عالسياسه

سنين وما كنا نلاقيك
ونترجى بس نحاكيك
يا خيا شو بدنا فيك
وانت ما مراعي احساسي
لا تحاكيني عالسياسه

وجاي باخر ايامات
فطنت بوقت الانتخبات
تحكي وتشرحلي حكايات
فعلا متخصص غلاسي
لا تحاكيني عالسياسه

شفلك ياخي لعبه تاني
لا اتضلك عايش اناني
بكره عالكرسه بتنساني
كان من عيني وكان عراسي
لا تحاكيني بالسياسه

لو فكرته  بيوم نتوحد
ونحط ايدينا ونتعهد
ولا واحد رايح يتردد
ورح نوخد اكتر كراسي
وقتها منحكي بالسياسه

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108