مودة الروح

ويلك إذا غفّى ألضمير وجدانك
رح تجرحك دمعة ندم بإيمانك
بتصير تبكي وتشهق القصدان
وما يعود يحلا الصبح فنجانك

هالعمر يوم وكلمه وحكايه
وقصة مع الرايح مع الجايه
خليك نسمه معطره بالجو
وزهره ما بين الناس مخبايه

يا ناس حاجتنا بقى تعتير
بدنا المحبه تكون حضن كبير
وبدنا الموده تظل بين الناس
إلفه وتسامح في قلب لصغير

وأجمل تحية حب ومودي
وباقة زهر لمعطر مندي
لمفروض نحنا نحترم بعضنا
هالعمر بغمضة عين بيعدي

لازم نوعي جواتنا الإنسان
وروح الموده في حمى الاخوان
ونقول هوني مرت الانسام
الباقي عبقها بمطرحو عنوان

خلص الحكي كان ياما كان

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108