إبر ودبابيس مين الإرهابي؟

 

مين متطرف أكثر.. المنافسة شديدة.. اللي بحب يتطرف أكثر يتفضل..
 

المنافسة على التطرف مولعة.. أي عضو كنيست؟ أي علج؟ أي مستوطن؟
 

شوفو أعضاء الكنيست، لا في يمين ولا يسار ولا الوسط، كلهم متقدمين بتطرفهم..
 

المنافسة أشد ما يكون على ضرب الفلسطينيين، واعتقالهم وكبتهم وسلب أرضهم..
 

المنافسة مش معقولة مين يتطرف أكثر على معس الفلسطينيين وسحقهم..
 

مين بقدر يحرمهم من السعادة والفرح.. يخرب بيوتهم ويشرد أهلهم..
 

كلهم يعتبروا الفلسطينيين حشرات، موبقات، أمراض، لصوص، غشاشين.
 

مين بدو يفجّرهم؟ مين بدو يموّتهم؟ مين يتمنى ما يكونوا عايشين؟
 

قطعان علوج ماشية ورا إرهابي وقطّاع طرق تنادي الموت للعرب.
 

بدهم يسرقوا الأقصى ويصلي اليهودي مع المسلم. مثل الحرم في الخليل.
 

بدهم يشعلوا المنطقة بحرب مع غزة، ومصر والأردن والإمارات وتركيا.
 

قالت خالتي نبيهة: احبسوا هذا الأرعن، اسجنوه، حاكموه بتهمة التحريض،
 

وتهمة الدعوة لقتل العرب، وتهمة الاعتداء وتدنيس الأماكن المقدسة،
 

وتهمة طرد الفلسطينيين من أرضهم، وتهمة تخريب مزارعهم وهدم بيوتهم.
 

شو أكثر من هيك إرهاب وتآمر على أمن الدولة وسلامة المواطنين؟
 

لو هذا عايش في دولة بتحكم بالإعدام، لأذاقوه أشنع العذاب حتى يفطس.

 

مال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108