آلام الوَطن
ألام الوَطن وَعَّى فِكِر أمِّي**********وْعِمِلنِي شَاعِر بْإحْسَاس أمِّيصِرت إنسَان مْن الفقِر أفقر**********مَا صفِّالِي سِوَا بيِّي وْ إمِّي
صِفِيلِي أرِض مِنْ جدِّي المْخَتيَر
**********لِهَا مِنِّي فِدَا رُوحِي و دَمِّي
ألأرْض إنسَرْقِت و مَا ظل بَيدَر
**********مِن الشعب الحَكمْنَا البَلا ذِمِّي
*****
سْكَتِت مَع شَعِب قلبُو مْحجَّر
**********و قِلِت يَا كبَار عَالحق هِمِّي
كْبَار البَلد هِنِّي إنشَرُوا بْأخضَر
**********ونِحْنا إنسَرقنا و مَا إنطفى هَمِّي
*****
وحَق البَلد مِش عَشَخِص سَيطر
**********حَقو عَلى الشعب بْفرِد ظمِّي
لأنو إذا فِيِّي السُوس نَخوَر
**********بْيطلعُوا و بْيُسِكتو وْلاد عَمِّي
*****
مِش لازِم حَدَا مِنِّا يْكون أشطر
**********يْنزلنا بَعِد مَا نوصَل القِمِّي
كرمِلِي بسْتان فِيك الوَرِد زهَّر
**********وْ حَرَام عْلَيك مِن حَيِّه مُسِمِّي
*****
أنَا شَاعِر خَلقنِي الرَّب مُجْبَر
**********لحتى القلِب ع الأعدَاء حَمِّي
و مِش مِن حُكِم مِن فسَّاد أعوِر
**********صِفِي قلبي مِثل بُركان حِمِّي
*****
وَصَار القلِب يُنزُف دَم أحْمَر
**********وْ مِن حِمَا جسمِي إحترَق كمِّي
تا قال القلِب كِلمِه مِن الجَوهَر
**********يمَّا شَعِب نَبقى عَلى وِحْدِة وَطن
*****يمَّا مِنْ الأرِض مَا مِنشِم شَمِّي*****
