حسام سليمان حلبي: قصيدة "هذا العصر"
الشاعر الشعبي الكرملي حسام سليمان حلبي يعود ويهدينا من بحر ابداعاته الزجلية قصيدة بعنوان "هذا العصر" التي تتناول وضعنا الإجتماعي المتدهور وانعدام الإحترام بين الناس.
بسم الله الرحمن الرحيم
هذا العصر
دخلك يا رب السما يا خالق الأنام
النا بعصر الكُفر يا رب تحمينا
هالناس تعبُد قرش رجع زمن أصنام
مثل الكأنُه الذهب صحه بيعطينا
والناس تحسُد بعض ع كُبرة الأوهام
وبالسوق ضاع الوفا الي كان ساقينا
ألفه ومحبه مشو في رحلة الأحلام
وخيرات رب العلي ما عاد تكفينا
الخي خيو نكر ت قطع الأرحام
ألأخت تنكر اخت ع الصعب ما تعينا
قل أحترام الأبو ما عاد عندو زمام
وللأم ما عاد وعي حتى توعينا
الجار جارو نسي ويرمي عليه سهام
نسينا الجيره وبعد بيضيع ما ضينا
بعيشه سريعه ال بِها تتسابق ألأيام
ونحنا نسابق زمن وقتو مشي فينا
ضاع احترام الرجل ما ضل عنا زلام
وصرنا بهذا العصِر ننسى مبادينا
بكُثرة حديث البُغض يا شعبنا بتنلام
وجلسات للمسخره ع طول تكوينا
بالعائليه البُعد لخوالنا وعمام
وان كان في مصلحه احبابنا نسينا
العيشه بسياسة بقت ومسيسه الأحلام
وهي السياسه سبب شبكة بلاوينا
أهل الحَرام اغتنو ونفوسهم ما تنام
بخمره وسموم البَلا مَلو دوالينا
قلو أوادم بعد كثرو الف نمام
الماشي ع درب الخطا ع الخير يهدينا
من بعد كثر البَطر في بلادنا ألأجرام
وسرقة أهالي التعب وصلت ضواحينا
قَلو كرام النفس كانو لنا أعلام
قلت النخوه ال بِها نحمي أراضينا
يلي بيعيشو ملك جوخ ورياش نعام
منا وفينا عمل يا ناس ناسينا
ما عاد يعطي القرش ت يساعد الأيتام
يا ناس فيي الطفر دومًا بينادينا
وينو كلام الصدق وين الوجي البسَام
وينك يا ُطهر الشرف ت تعود تحيينا
والحق مالو حدا بالغش زادو غرام
قالو الزياده بعد ع طول تغنينا
يا رب ضاق الخلق من كثرة الألام
بالقلب كثر الوجع ياناس بكفينا
يا ناس اصحو بقا عمرو القرش ما دام
البيدوم فعل السخى ووجود بارينا
