قصيدة حمده - عمر الفرا
لكل عاشق للكلام الجميل اخترت لكم قصيده رائعه بل اكثر..."ما أريدك … ما أريدك حتى لو تذبحني بيدك ما أريدك ...
إِبن عمي … ومثل اخويَ
ودم وريدي
من وريدك ..ما اريدك
أما خطبه
لا يا عيني
لا اني نعجه
تشتريها
ولاني عبده
من عبيدك
ما أريدك
هذي القصه
قصة حمده
حمده الرمش اللي
يتحدّى
الرمش اللي ياخذ قلب الناس
الرمش اللي
ما عمرو ودّا
حمده كانت
أجمل ورده
بوجه الريح .. وصمدت مده
حمده جانت
نفطه بمصحف
تحدت كل سيوف الرده
اليوم الأول
تحدت حمده
اليوم الثاني
صرخت حمده
اليوم الثالث
نزلت دمعه
اليوم الرابع .. يوم الجمعه
دخلت أمها غرفة حمده
انشدهت
رجفت
عيون تكذّب
قلب يلجلج
خافت … شافت
جسم مثلج
شَعر تناثر
فوكَ مخده
صاحت …
جاوب مِرْوَد كحله
ماتت حمده .. ماتت حمده
ثوب المخمل ..
مراية حمده
المشط … البكله
كلهم صاحو …
والصوت الرايح
ما ودّا
تبكي كل رمال الصحرا
وتبكي كل بنيه حرّه
حتى طير الورور
ناح
وفوق ترابج
مرّغ خده
تغطّي حمده
برد الصيف
المثل السيف
يمّرض عينك
خايف إنها تمرض عينك
تعطّي حمده
تهنّي حمده …
هالأرض اللي
تحت اجرينا
أكرم مِ للي .. فوقك بمده
تهنّي حمده
حلفت أمي …
وكل نسوان الحاره
شهدن
إنهن شافن
بليلة جمعه
فوكَ القبر الضامم حمده
حلفن إنهن شافن
شمعه
الشمعه شمعة نور
وعليَّت
عليَت.. عليَت .. فوق .. لفوق
لفوكَ اللي
ما تعرف حده
وحلفن إنهن سمعن حمده
من جوّات القبر تصيح
تصيح وتنده
وتصيح وتنده ما اريدك ما اريدك وما اريدك".
