عالبحر فكري سرح والوقت كان غروب

عالبحر فكري سرح والوقت كان غروب 
قعدة تجلي وفكر  حب  رومانسيي

وحْمَر خد الشمس بالبحر صار يذوب
ع بردقاني نصبغ صبغه الاهيي

وسوَّد خد السما وتكشَّف المحجوب 
ونجوم صارت كأنها شموع مضويي

عالموج ترقص دلع  والزَبَد الها روب 
ويعزف بيانو البحر وصلي موسيقيي

ونشق ثم البحر فجأه بأمر مكتوب 
من الموج طلعت الي سَمْكي ذهبيي

قالت بأمرك انا تفضل بو شادي طلوب 
مسموح حقق الك بالعمر أُمنيي

بدك كنوز وذهب عبي الك لجيوب 
بدك حواري معي عشرين حوريي

بدك اعملك قصر الماس بدل الطوب 
بدك جناين ورد جني طبيعيي

بدك كاسات وخمر مازات للمشروب
ترجِّع شباب العمر بطلع بأيديي

طلعت فيها وقلت يا سمكتي المطلوب 
الها جوابي طلع في كل عفويي

بطلب سلام وعدل ما يعود عنا حروب 
اخوي يعيشو البشر حب وصفا نيي
 

آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها  Amlabo@walla.com او على هاتف 0549026108