مسرحية من الحياة
الممثلون سوسن في العقد الثالث من عمرها. فاتها قطار الزواج كونها لا تملك مواصفات الانثى التي تشد اي كان لخطبتها والزواج منها. متعلمة لكن حظها قليل.. تعمل داخل البيت وخارجه. تعيش مع امها واخاها المشاغب. في المستشفى الذي تعمل فيه تعرفت على شاب جميل القوام بهي الطلعة. تحدثا معا هناك والتقيا عدة مرات حتى انسجما معا. دعته لبيتها لشرب فنجان قهوة، فاستجاب وعينا الموعد لهذه الزيارة. كان سعيدا بفوزه بلفت نظرها وقد علم ان حالتها المادية على ما يرام.
وفي الموعد المحدد جلست سوسن على كرسيها الهزاز، معتزة بنفسها تنتظر قدوم فريستها التي صوبت عليها بسهمها فاصابتها. وكانت صيدا وفيرا بالنسبة لها. وقد حلمت كثيرا بان تجده فاتاها حظها هرولة بما شاءت. ابتسمت وقالت وهي تدعو ربها
سوسن: يا رب يكون من نصيبي هياه اليوم اتصل انه جاي واكيد راح يكون حديث طويل بينا الظاهر قلبه علق فيي
(يدق الباب)
سوسن: هه هياة هياه اجا قيس وقع ابن الحرام بحبي فش غيره على الباب (نهضت بدلال قالت) ميييييين؟ سمعت صوت من الخارج يقول:
سعيد: انا سعيد عزيزتي.
سوسن: تفتح الباب ترحب بسعيد
سعيد: يسعدلي هالصباح الحلو يا غالي كيفك
سوسن: حياتي انت كنت عارفه انه سهمي راح يصيبك
سعيد: سهمك يصيبني يا قمر واهون عليك يا غالي انت
سوسن بدلال: تفضل تفضل فوتك علي بتسوى الدنيا واللي فيها. انا قصدي سهم الحب يا سعيد من ساعة ما شفتك شغلت روحي وكنت اتمنى تكون وقعت متلي
سعيد: جلس سعيد وهو يجيبها ويبتسم وقعت واللي كان كان. قوليلي يا غالي كيفك اليوم اشتاتيلي مثل ما انا اشتاتلك.
سوسن: اشتأتلك فعود ايخ من يوم ما شفتك وانا تشقلب حالي وكياني.
سعيد: كيف عايشه حياتك وين بتقضي نهاراتك؟
سوسن: انا بشتغل نارس في مستشفى الكرمل اخوت موسميخيت
سعيد: يااااه الله يعطيك العافي يا غالي وكيف المعاشات هناك (يهمس لنفسه خللي الواحد يطمن على انه مش خسران بهالعلاقة) المعاش منيح بكفيكي مصروف
سوسن: طبعا انا بالف خير. سيارة عندي وبيتي مليان خيرات عندي دار وارض ملياني اشجار وازهار واطيار
سعيد: يعني انت عايشة بنعيم الله يوفقك
سوسن: الحمد لله انا عايشي مع امي الغالي علي واخوي سمير.
سعيد: سمير! شو بشتغل اخوك سمير واديش عمره؟
سوسن: عمره تنين وعشرين سنة بس لا شغلة ولا عملة بطلع باشا بعدي وزير وامي كل النهار تقاتل فيه بدها اياه يشتغل ويصير من الناس بس هو لا برد ولا بصد
سعيد: هدا جيل مش مصلي عالنبي عايش كيف بده.
سوسن: والله تلات ترباع مصرياتي رايحه عليه ومش عارفي شو اعمل معه.
سعيد: (يهمس لنفسه عال عال شكله كل التخطيط عالفاضي اذا اخوها ماخد معاشها انا شو بضللي غير لقروش لا هيك بتوفيش.)
سوسن: شو يا غالي بإيش سرحت فهمني وانت معي تفكرش باشي غيري
سعيد: انت بس اللي ماخده عقلي يا قمر الحتة
سوسن: قمر! انا قمر بحياتي ما حدا قللي هالكلمة غيرك تسلملي
سعيد: هدول عميان بشوفوش يا ريت توخدي عيوني وتوقفي على لمراي وتشوفي كيف انا شايفك يا احلى من القمر.
سوسن: الله يحلي ايامك حبيبي
سعيد يقترب منها يهمس لها ولك يا روحي انت بشكر القدر اللي جمعني فيك
سوسن: (تتنهد وتقول له) رديت روحي يا غالي وخليتني احس بانوثتي والله كنت حاسة حالي مثل زكي بلميطة مثل ما قال عادل امام
سعيد فشر انت بعيوني احلى البنات شو رايك نطلع مشوار انا واياكي نقضي النهار مع بعض ونشوف حياتنا عشان نتحدث ونتفاهم للمستقبل
سوسن: ترقص فرحا وتقول تكرم حبيبي يالله تاقوم ازبط شبابي واغير اوعيي ونطلع
(تخرج سوسن ويبقى سعيد وحده في الغرفة ينتظرها ويقول)
سعيد: (يقف ينظر الى الباب ليرى الى اين اتجهت سوسن لئلا تسمعه) يا سلام قال اخوها بوخد تلات ترباع معاشها قال وانا شو بضل الي قال اخوها قال. اي والله لاخليها تعبدني عباده وتصير تمشي رفيرس. انا شب حليوة متلي يطلع على وحدة بتشبه غراب البين يخرب بيتها ما اشنعها مثل القردة اما جيابها ومعاشها يا عمي مليانه واحلى اشي فيها.
(تعود سوسن فرحة تقول لسعيد
سوسن: يالله يا سعيد حبيبي انا خلصت يرد سعيد
سعيد: يالله يغلقا الباب ويخرجا.
المشهد الثاني
(تجلس سوسن على كرسيها الهزاز تبدو سعيدة الى ابعد الحدود يدخل عليها اخاها سمير يغني يقترب منها وحين لا تشعر بوجوده ضربها على ظهلها فارتعدت وصرخت في وجهه
سوسن: العما في قلبك نقزتني
سمير: شو خيتا اللي واخد عقلك يتهنابه
سوسن: فش حدا ماخد عقلي انا عقلي براسي ابمهم عقلك انت اللي طاير فش حدا مهديم
سعيد: بلاش لماضة وبلاش اطرشك كف اهر سنانك ماي تأدبي بعدين انا اجيت قبل ساعة على البيت وين كنتي حضرتك؟
سوسن: كنت في جهنم ايش بدك فيي من غير شر
سعيد: بدي ضريبة الدخل انا مفلس حلط ملط فش اشي
سوسن: شو يعني بتقدر تروح تشتغل على مين مركن قاعد لا شغلة ولا عملة بتفوت عنتر بتطلع محمد علي كلاي. مفكر حالك زلمة البيت ولك لو ابوي موجود انت بتسترجي تعمل هالعمايل....
سعيد: (يقترب منها ويقول) ولك انا ما بعمل حساب غير لربي بخافش غير من الله بس. بلا ابوي بلا بطيخ انا اسا بدال ابوكي وانا زلمة البيت لازم تحترميني ولما اقلك اعطيني مصاري مش لازم اتني دغري افتحي جزدانك المنفوخ نفخ من المصاري واعطيني سامعه؟.
سوسن: يا ربي توخدني وتريحني من هالحياة.
سوسن: ابضاي اسمالله ولك حس على دمك وروح اشتغل قدامك مستقبل لازم تركن على حالك حاجي مجردني شوي شوي مش مخلي معي لمخبر استح على حالك
(يسمع صوت من الخارج يضرخ)
الام: شو السيرة ليش الصراخ هذا
سوسن: سمير البيه زلمة البست بدو مني مصاري كل يوم عمبوخد مني ومش عارفة وين بروح فيهن عامل علي ابو علي خليه يحل عني يا ماما انا مش قادرة استحمل اكتر من هيك وبديش اعطيه حتى لو معي.
الام: اليوم بتروح بتدور على شغل بدكاش بتدورلك على بيت تاني تعيش فيه وتدفع اجاره انت المسؤول عنا ولازم تشارك بالمسؤولية ليش اختك بنت بتشتغل وبتصرف عليك وعلينا وانت صايع وضايع بكفيك عاد لما بتكنش انت موجود احنا مصرياتنا بتكفينا انا واختك بنعيش على ادهن اما كل يوم تصرف ٥ او ٦٠٠ ميت شاكل هدا الله ما بقبله.
(يقترب سمير من والدته يهمس باذنها)
سمير: خليها تعطيني اليوم وبتكون هاي اخر مرة باخد منها
الام: اعطيه يا ماما ولاحقي العيار لباب الدار
سوسن: انا اليوم ملحسي من المصاري شريت الي اغراض لوازم البنات متاسفه.
سمير: بلاش ما تعطيني وانا طالع من البيت ومش راجع
سوسن: مع السلامة يعني يا بعطيك يا بتزعل علي الله معك مع السلامة.
(يخرج سمير من البيت غاضبا)
تبقى سوسن مع والدتها تقول الام
يا يمة بدنا اغراض للبيت يمة روحي جيبي يا اعطيني مصاري انا بروح اشتري
(تخرج سوسن من حقيبتهاورقة ال٢٠٠ شاقل تناولها لامها.)
(تخرج الام تبقى سوسن وحدها في البيت.)
تتنهد سوسن تجلس على كرسيها الهزاز فعلى هذا الكرسي تجد راحتها واخذت تحدث نفسها وتقول.
سوسن: والله مشوار كان اليوم مع حبيبي سعيد احلى مشوار . كيفنا شرينا اواعي واغراض وتغدينا جاج مشوي وشاريت لحبيبي سعيد ريحة مع بنطلخ ون وقميص يا وعدي محلاهن عليه....
يرن الهاتف
سوسن: هلو مين تقفز عن كرسيها فرحة سعيد حبيبي وينك انت جاي اسا هياني لحالي بستناك يا حبيبي امي وسمير طلعو من البيت وانا لحالي يالله بستناك على نار
المشهد الثالث.
( تنهض سوسن كالفراشة سعيدة تغني)
سوسن: انا بستناك انا انا انا بستناك انا انا انا بستناك وليلي شمعه سهرانة بليلة حب
(تقف على المرآة تصفف شعرها وتقول)
سوسن يا شحاري عليي قال بقوللي قمر قال والله منظري زي ابو العز مش عارفه والله ممكن يكون مثل ما بقولو انه عين الحب عميا يالله الله يعمي البك يا سعيد وتضل تشوفني قمر
(يطرق الباب تؤد سوسن بدلال
سوسن: مين عالباب
سعيد: من الخارج انا سعيد افتح يا حلو
سوسن: ( تفتح الباب بفرح شديد وصاحت) اهلا اهلا اهلا يا اغلى من الروح انت تفضل.
سعيد : (يقترب منها وهو يقول لها) اي انا كل ما بشوفك بلائيكي اجمل من قبل شو بتوكلي حبيبتي تبتحلوي هيك
سوسن: هده عيونك الحلوة يا غالي
سعيد: شو حبييتي خبريني عن حياتك شوي عن شغلك كيف عايشي
سوسن والله انا بالف نعمة عايشة احلى عيشي شغلي منيح ووعاشي منيح بلبس وبجخ وبشتري ذهب مسيغه حالي ضابة مصاري وفوق الريح
سعيد احنا لازم نتجوز بس الوضع مش مناسب وما بسمح عنبشتغل بس بضربها بالشرق بتيجي بالغرب والوضع المادي ما بسمح مش عارف شو اعمل حبيبتي انا معدتش اقدر اصبر على بعدك بس ناقصني مصاري للخطبة والجيزة
سوسن: كل المصاري على حسابك يا نور عيني هدول ذهباتي كلهن على حسابك ومعاي بعد كمية مشيولة بخزانتي بعطيك اياهن روح بيعهن عشان نتجوز
سعيد: لا مش ممكن اخد منك انا لازم اعطيك
سوسن: (تخلع جميع ظجوهراتها تقول انا كلي على حسابك يا عمري وفش اشي بينا مقسوم
سعيد: راح اخدهن انا حبيبتي بس لانهن رايحين يكونو سبب باني اضل معك ونعيش تحت سقف واحد
سوسن: (تفرك بيديها فرحة بكلامه غير مصدقة ما يقوله لها)
سعيد: يحمل الحقيبة التي تحتوي على مطوهرات سوسن ويقول لها) طيب حبيبتي خليني امشي قبل ما ييجو اهلك..
سوسن: الله يحميك ويخليلي اياك يا اغلى من الروح الله معك (يخرج وتبقى سوسن وحدها تقف مرة اخرى على المرآة تنظر الى نفسها وتقول)
سوسن: والله انك يا سعيد ناقص عقل علي الكبلق وانا ما عندي حدا اطلقه. تني اروح اشوفلي شغله تنفعني اروح اجيب اني من الدمانة حرام تحمل لغراض وتيجي مشي تخرج من البست تقفل الباب ورائها
المشهد الرابع
(يدخل سمير يجلس على الكرسي يحمل لفة في يده يحدث نفسه يقول)
سمير: اليوم لازم اعملي شي تمثيلية على سوسن واشطها باقي المصاري اللي معها. بدي اشتري كمية مخدرات وابيعها لهالشباب خلي الواحد يملين اغلب هدول اللي عاملين عسكيم ناجحة اصل مصرياتها من المخدرات اغلب المحلات التجارية لكبيرة انعملت من المخدرات والله لاشتري وابيع واكيف واصير العب بالمصاري لعب....
عادت سوسن مع والدتها تحمل اغراض البيت من خضروات وفاكهة
سوسن: ههه ما شالله هياته البطل في البيت
الام: ههه الله يهديه كيفك يمة شو اخبارك كيف تنك مروح بكير جاي جاي بترجع بنصاص الليالي.
سوسن كنه مافلس لما معه مصاري بسهر برة وبتفشخر ادام صحابه وكل مصرساته اللي بجيبته بسحيهن مني اما يروح يشتغل يا عيب الشوم.
(سمير يفرك بيديه فرحا يحدث نفسه)
سمير: ياااااه سبحانك يا الله اجت وجابها الله
سوسن: شو بتتمرأح وبتضحك على ايش بتضحك على خيبتك والا على ايش.
(يقترب سمير من اخته يقول لها وهو يدللها)
سمير: خيتا حبييتي انا مسكري الدنيا بوجهي ارحمي عزيز قوم ذل. هياني خيتا حبيبتي لائيت شغل بس ناقصني راس مال حبيبتي انا مين الي غيرك يساعدني يا حياتي
الام: خير ان شالله اللهم اجعله خير ايش لائيت اي شغل يا ترى .
سمير : بالتجارة اجيب اغراض وابيعها.
سوسن: ما شالله شو بتليق فيك التجارة التجارة يا حبيبي بدها ناس عاقلة وفهمانه وعارفة شو تشتغل وكيف تتصرف. مش واحد مثلك اللي طايح عندهورايح بدها تدبير القصة فاهم مش عالهبل بتخطط.
الام: اعطيه يا يمة فرصة اخيرة يا بتصيب يا بتخيب
سوسن: يمه انا عارفته هدا نتن وبوخد المصاري وبصرفها
سمير: حربيني خيتا اخر مرة زي ما قالت امي وراح تشوفي مني العجب
سوسن: تنشوف.......(تحمل حقيبتها تخرج مبلغ من المال تساله) اديش بده المشروع الفاشل تبعك خيا ومع اني عارفة النتيجة قبل بسلف الا انه لاحق العيار لباب الدار
سمير: )يقترب من اخته ويصيح فرحا)يا روحي خيتا انت الله يخليلي اياك يا احن واطيب قلب.
سوسن: تفضل هدول عشر تباف شامل روح تاجر تاشوف
سمير: خيتا التجاؤة بتحتاج كمان اشياء
سوسن: يا ستار يا رب شو بعد بدك؟
سمير: سيارة خيتا بدور فيها اوزع بضاعة
الام: يا يمة امشي شوي شوي وعلى مهلك على اختك
سمير: يمة بدي اشتغل يا يمة
سوسن: ماشي يا سيدي بنشتريلك سيارة صغيرة عشان تبلش وتنشوف آخرتها معك شوف سيارة بس متكنش غالي عشان مطاشطنيش للاخر والخسارة ما تكون فادحة معك
الام: بالتوفيق يا يمة دير بالك على حالك وعلى شغلك اختك عمبتكح الدم تتجيب القرش يعني بتجبش المصاري من الشارع
سمير: انا عارف يمة هالحكي انا رايح اسا بشوف شو بعمل اشوف وجهكو بخير تاشوف حالي بخاطركو ادعولي
الام: الله يجيبلك اللي فيه الخير يمة ويكون معك
(توجه الكلام لسوسن تقول) يالله قومي معي نطبخ ونضب اغراض اللي اشتريناهن.
المشهد الخامس
(تجلس سوسن على كرسيها تفكر تحدث نفسها وتقول)
سوسن: يا جماعة الخير مين منكو ينصحني شو اعمل مع اخوي كل يوم بدو مصاري مني وبدوش يشتغل( يسمع صوت من الخارج يقول لها بصوت عال يا سوسن هدا اخوك لازم توقفي معه ما انت اعطيتي الغريب ذهبك ومصرياتك مت غير ما تعرفه شو قصده وشو بضمرلك اخوك اولى.
سوسن: بس الغريب مستقبلي معه مش مع اخوي
الصوت مرة اخرى اعرفيه اول جربيه وشوفي ان كلن صحيح بظو يتحوزك شدي عليه واعرفي قصده
سوسن: انا واثقة فيه ومستعدة اعطيه كل ما املك بس اتجوز اي انا مباىي حدا غيره يطلع فيي.الصوت اتا بصحيك بس انتبهي لحالك.
(يطرق الباب يدخل سعيد: )
سوسن: اهلا حبيبي اهلا نور البيت تفضل
سعيد: يزيد فضلك حياتي
سوسن: شو في حديد عندك
سعيد: عندي كل الخير حبيبتي كان ناقصني شوية مصاري نبني في مستقبلنا انا واياك حبيبتي ادور على بيت والا نبني بيت نعيش فيه. في عندي شقفة ارض بدي اغمر عليها.
سوسن: هاي الارض نص الهم بتضل تعمل رخص العمار يالله بلش على خيرة الله وايش بدك اعمل انا من ايدك هده لايدك هده حبيبي اطلب عني قلبي وعني فداك غاليين علي واغلى منهم رضاك
سعيد: يعني فيه معك نبلش نخطط انا واياك.
سوسن: فيه حبيبي نشكر الله انا معاشي منيح ومدخرة كثير للايام
سعيد: وهياها اجت الايام يا حياتي شوفي شو بتقدي تعطيني تنبلش.
سوسن: انا بعمل حساب مشترك بينا وانت حر التصرف فيه يا غالي.
سعيد: وينتا هاي العملية بتم
سوسن: اليوم قبل بكرة يا نور عيني يالله قوم تنطلع على البنك نشوف شو نعمل وانت بتتصرف بالمناسب لاني انا مشتاقة كتير وما عاد عندي صبر ياللي اخدت مني عقلي وتاركني انحرق بنار الشوق .
سعيد: بتهون يا روحي انت وبتفرج لما في مصاري بتلاقي كل شي ميسر
سوسن: يا سعيد انا لاخر نفس معك بس انت بلش والله بسهلها ان شالله.
سعيد: يالله حبيبتي نروح عالبنك.
المشهد السادس......
(المكان في البيت هادئ وسمير يجلس وحده الام تقضي مهام البيت وسوسن في العمل. يحمل اكياسا من الورق يحدث نفسه.)
سمير: هاي الكوك اشتريناه ومن اليوم ببلش ابيع فيهن وبملين اغلب اللي فاتحين محلات كبيرة اساسها الكوك الله يخللي الكوك واللي بزرع الكوك واللي بحضر الكوك واللي ببيعه انا شايفها اهون شغله سلم واستلم بالجملة يا الله كن معنا واستر علينا(يسمع صوت من الخارج يقول
كيف الله بدو يستر عليك ويكون معك وانت بتسعى تتعيش وتموت هالشباب من المر اللي بشوفوه من الكوك تبعك هدا ومن العذاب والوجع وخراب لبيوت العامرة اتق الله
سمير: يا عمي حل عني انا كل عمري الدنيا مسكري بوجهي ولاقيت انه هدا الحل الوحيد اللي بدو يسعدني لاني بجيبها بالشرق بتيجيلي بالغرب وهذا هو الحل الوحيد.
(يحمل كيسه ويخرج وهو يصيح يا الله يسر امورنا.
(تدخل سوسن ومعها سعيد والفرحة تملأ قلبهما)
سوسن: هاي قصة البنك خلصناها يا حبيبي بتقدر تسحب مصاري اديش بدك وتبلش بالشغل عشان نتجوز يا حبيبي انا الصبر عندي خلص بح (تضرب كفا بكف )ما ضل عنديراحتمال بحبك وبدي اكون معك تحت سقف واحد.
سعيد: ان شاءالله حبيبتي يا نور عيني
سوسن: انت صحيح بتحبني يا غالي
سعيد: انا بعبد الارض اللي بتمشي عليها مش بس بحبك اي ببيع العالم كله عشان عيونك
(تدخل الام تتفجأ بسعيد مع ابنتها فتقول لسوسن
الام: شو عنا ضيوف يا سوسن مين حضرته عرفينا عليه بالله
سوسن: هدا سعيد يا ماما جاي بدو يخطبني منك
الام : بالله الف اهلا وسهلا يا بنيي من اي عيلة انت ووين اهلك
سعيد: انا من عيلة مطاوع ومقطوع من شجرة ماللي حدا امي وابوي ماتو يا خالتي الله يرحمهن شفت بنتك عجبتني بدي اكون مع اسرة دافي يا خالتي
الام: الله يهنيكو يا بنيي يجعل التمام على خير
المشهد السابع
سمير في البيت وحده يعد المال الذي استلمه ثمن المخدرات ويقول:
سمير: الله الله الله هيك الحياة والا بلاش تاخبيهن اسا موعد الغولة ميعاد ترويحتها بتوكلني اذا عرفت (ياخذ الشنطة ويخرج وهو يقول: باخذ ربجه منهن وبخبي الباقي لنعلق فيها .
(تدخل سوسن تجده خارج من الغرفة تقول له )
سوسن: يعطيك العافي خيا
سمير: يا هلا يا هلا شو خيا حامل شنطة زي شنطة الوزير
ان شالله توفقت بالشغل
سمير: الحمد لله خيتا توفقت فعود ايخ انا طالع اشوف شغله ويمكن اتاخر شوي بخاطرك
سوسن: مع السلامة خيا الله يكون معك (تجلس على كرسيها الهزاز تقول من الصبح وانا اتصل بسعيد وبردش وتعود تحاول الاتصال به لكن احد لم يرد عليها فتقول:) يا الله شو صار معه حبيبي ما عاد يرد اله اسبوع بتصل فيه ما برد والا يكون ملتهي بالعرس وبالدار الله يستر يكون فتح عنيه المشحر وشافني منيح. والا يكون غير وبدل وبطل يتجوز.
(يدق الباب تقفز سوسن لتفتح للطارق واذا بها الشرطة تسال عن سمير فتفزع سوسن خوفا )
الشرطة: هون بيت ابو عطية
سوسن: اخ يا حضرة الظابط
الشرطة: وين سمير
سوسن: مش هون اسا طلع ليش شو فيه؟
الشرطة اخوك يا ست بهرب حشيشي عامل تاجر مخدرات.
سوسن: اخوي انا تاجر مخدرات؟
الشرطة: وصلتنا اخبارية انه ببيع مخدرات
سوسن: مش ممكن اخوي يعملها هالشغلة
تدخل الام تعبة وحين ترى الشرطة تستغرب وتقول)
(الام: يا ربي يا ستار شو السيرة؟؟؟
سوسن: قال اخوي ببيع مخدرات قال
الام: يا حسرة علينا منله المخدرات لو ببيع مخدرات كان بين عليه يا حضرة الظابط كل عمره يوخد من اخته مصروفه
(تهمس لابنتها) ملاحظتيش انه من فترة مش عمبوخد منك يا سوسن
سوسن: اه والله صحيح شايفة وضعه متحسن كثير.
الام: الله يستر ليكون الشطان لعب براسه وتورط
الشرطة: احنا بدنا نفتش البيت ولما ييجي خلوه ييجي على المركز والا احنا بنيجي نوخده بالقوة قدام الناس وبتبهدل مبين عليكو التنتين طيبات ومش حمل بهدلة
( يخرج الشرطي وتخرج الام من الغرفة وهي تلطم وتقول)
بكون دور عليك يا ولدي اذا كان طغاك الشطان.( تمسك سوسن البلفون تتصل بسعيد لكن لا احد يرد فتقول )
سوسن: امرك غريب يا سعيد انا لازم اليوم اروح ادور عليه اشوف شو ماله اختفى (تخرج وهي تقول) يا ربي تستر ليكون فلسع مني العريس الوحيد اللي تقدملي واسعدني بحبه هلمشحر وين ر اح واذا ما لاىيته في بيته راح اروح على البنك افحص حساباتي ليكون اخد المصاري اللي حيلتي وهج المسبوغ تخرج وه ي بحالة قلق وخوف من الاتي)
المشهد الثامن
(تدخل سوسن وهي تلطم وتقول)
سوسن: يا شحاري راح تعبي كله ضياعة اخوي سرقني وتاجر بالمخدرات وسعيد اخد كل المصاري وهرب كل المصاري اللي بالبنك يا ناس الله يعلم لوين ما عاد الي حل بهلحاله الا الانتحار معدتش اتحمل
(تاخذ علبة الدواء تشربها كلها تدخل الام تجد ابنتها على الارض فتاخذ بالصراخ يدخل ورائها سمير يصرخ)
سمير: مالها شو مالها يمة
الام: بعرفش ارقض شوف دكتور من شان الله
سمير: يالله انا رايح يخرج بسرعة ليأتي بالطبيب
وتبدء الام بالبكاء تضع لابنتها العطر لتصحو تناجيها مالك يا يمة شو عملي بحالك يا روحي البيت بدونك بخرب يا حبيبتي لا ابو ولا اخو زي العالم مين بدو يقوم فيي يا غالي
(يسمع صوت بالخارج يدخل سمير وهو يقول للطبيب
سمير: تفضل تفضل يا دكتور
(يدخل الطبيب يبدء بفحص سوسن يصرخ
الطبيب: باين عليها شاربة سموم مين اللي مزعلها انا شايف لازم ننقلها المستشفى
الام: المستشفى يا حسرتي انا
سمير: بنوخدها عيونا الها لسوسن
المشهد التاسع والاخير الاخير
تجلس سوسن والطبيب يتحدثا تخبره عما فعل لها سمير وسعيد فيستغرب طيبتها وقذارة البعض من الناس واستغلالها
الطبيب: والله يا سوسن انا مستعد اوقف معك للنهاي بدي احكيلك عن حالي انا ارمل عمري ٤٩ سنة وعندي ولاد وبدي وحدة مثلك طيبة اجيبها ام لولادي شو بتقولي
سوسن: بس انا جرحي بعده بنزف
الطبيب: جرحك معي بطيب وانا راح استد من هدا الحيوان اللي استغل طيبتك وحاجتك لرجل وعمل اللي عمله وانا بدور على شريكة لحياتي وباسرع ما ينكن راح اتجوزك انت وبس
سوسن: والله صرت اخاف من الكل
الطبيب: لا تخافي بعدها الدنيا بالف خير
(تدخل الشرطة مع سمير والكلبشات بيده)
سمير: انا اسف خيتا عللي عملته فيك
الطبيب: انت غلطت بحق اختك وبحق نفسك وبحق كتير من الشباب اللي رايحة حياتهن تخرب من المخدرات ولازم تعرف اديش في ناس رايحة تعاني من امثالك
الشرطة: يالله تفضل ياخذوا سمير وتبقى سوسن
الطبيب: راح اعمل المستحيل ارعلك حقك من سعيد وراح يكون يا عزيزتي غدا اجمل........
انتهت.....
