إبر ودبابيس معركة المطاط
من الأدب الساخر
• يوم الجمعة الماضية واللي قبله وقف آلاف الفلسطينيين في غزة على الحدود الشرقية، وراح منهم شهداء.. ومئات الجرحى.. وأعلنوا حرب المطاط..
• أحرقوا دواليب الكاوتشوك/ المطاطية عشان يغطيهم دخانها..
• المطاط وسيلة مستخدمة في المعارك.. الرصاص المطاطي بستعمله الجيش..
• الدواليب المطاطية.. بستعملوها الناس والمتظاهرين، والمحتجّين..
• القضايا المطاطية، اللي بدهم يمغطوها وما يحلّوها.
• وأشهر القضايا المطاطية، قضية القدس، قضية اللاجئين، القضية الفلسطينية كلها..
• قضايا الديون والقروض المطاطية.. الفساد والسرقات والعنف.. مطاطية.. قضايا الخيانة الزوجية وخيانة الأمانة.. وقلة الأدب في السواقة مطاطية..
• يا عيب على هيك حالة.. يا عيب على هيك وضع.. مطاط بمطاط..
• اعملوا الخير مطاطي.. الحسنات مطاطية.. السلام الدايم مطاطي..
• يعني لما بوقف آلاف.. وعشرات ومئات الآلاف على الحدود، شو بدو يصير؟
• يعني إسرائيل خايفة يفوتو يحتلّوها؟ أكيد لا..
• لكن ما أسخف وما أتفه المسؤولين اللي ببعثوا جنود ومستوطنين يطلقوا رصاص مطاطي.. على كم شاب في الضفة برفعوا علم فلسطين.
• خلصونا من هذا الوضع المطاطي اللي ما بنطاق.. ارفعوا الحصار عن غزة..
• ارفعوا الحصار عن فلسطين كلها والقدس.. وانقلعوا من سوريا ..
• ما أسهل الحرب والمعارك والدمار.. وما أصعب السلام والتفاهم والاستقرار..
• الدمار بقنبلة والموت برصاصة.. أما السلام بمحبة.. والاستقرار بابتسامة.
آمال ابو فارس المربية الاديبة والشاعرة, المسؤولة عن زاوية المنتدى الثقافي. يمكنكم الاتصال بها Amlabo@walla.com او على هاتف 0549026108
